Речиси 3.000 Израелци повредени од почетокот на војната со Иран

ИСТАНБУЛ (АА) - Вкупно 2.975 Израелци се повредени и однесени во болниците од почетокот на војната со Иран на 28 февруари, соопшти денес Министерството за здравство на Израел, пренесува Анадолу.

Од нив, 85 сѐ уште се хоспитализирани, а девет се во сериозна состојба, соопшти Министерството на американската компанија за социјални медиуми X.

Регионалната ескалација се зголеми откако Израел и САД започнаа заеднички напад врз Иран на 28 февруари, при што досега загинаа околу 1.300 луѓе, а над 10.000 се повредени, според иранските власти.

Техеран возврати со напади со беспилотни летала и ракети насочени кон Израел, Јордан, Ирак и земјите од Персискиот Залив, каде што се наоѓаат американски воени бази.