Путин потпиша уредба со која се дозволува користење на американскиот имот во Русија како компензација

ИСТАНБУЛ (АА) - Рускиот претседател Владимир Путин денес потпиша уредба со која се дозволува користење на американскиот имот во Русија како компензација за штетата предизвикана од запленувањето на рускиот имот во Соединетите Американски Држави (САД), јавува Анадолу.

Уредбата, која е објавена на владиниот портал, ѝ наложува на руската Влада да воспостави посебна процедура за надоместување на штетата што им е нанесена на Русија и нејзината Централна банка од американските владини или судски одлуки.

„Владата на Руската Федерација, во период од четири месеци, воведува промени во законодавството на Руската Федерација со цел спроведување на оваа уредба“, се вели понатаму во документот.