Притисокот на гасот во двете линии на Северен тек 1 намален од неодредени причини

МОСКВА (АА) - Притисокот во двете линии на гасоводот „Северен тек 1“ се намали од неутврдена причина, соопшти денес „Северен тек АГ“, пренесува Агенција Анадолија (АА).

Во соопштението на „Северен тек АГ“, оперативната компанија на „Северен тек 1“, се вели дека притисокот се намалил во двете линии на гасоводот, а причината за тоа сега е под истрага.

Во друга изјава денес, „Северен тек АГ“ објави дека „Северен тек 2“, кој е исполнет со природен гас, но сè уште не е во функција, исто така забележал намалување на притисокот.

Поморските власти на Данска објавија дека е откриено истекување на природен гас во „Северен тек 2“, кој минува низ територијалните води на земјата.

Испораките на природен гас преку гасоводот „Северен тек 1“ беа целосно прекинати на 31 август поради недостаток на суштинско одржување на гасоводот.

Додека руските власти тврдат дека проблемите во испораката на природен гас во Европа се поради санкциите, европските власти тврдат дека Русија ги користи своите енергетски ресурси како оружје.