Претседателот на Турција, Ердоган, пристигна во Унгарија

БУДИМПЕШТА (АА) - Претседателот Реџеп Таип Ердоган пристигна во унгарската престолнина Будимпешта со специјалниот авион „ТУР“ за да присуствува на неформалниот Самит на Организацијата на туркиски земји (ОТС), известува Анадолу.

Ердоган беше пречекан од унгарскиот министер за градежништво и транспорт, Јанош Лазар, генералниот директор на протоколот, Анет Варга, амбасадорот на Унгарија во Анкара, Виктор Матис, амбасадорката на Турција во Будимпешта, Ѓулшен Каранис Екшиоглу, и нејзиниот сопруг Екрем Екшиоглу, како и од персоналот на Амбасадата.

Претседателот Ердоган во Унгарија го придружуваат неговата сопруга Емине Ердоган, директорот за комуникации на турското Претседателство, Фахретин Алтун, и советникот на претседателот за надворешна политика и безбедност, Акиф Чагатај Килич.

Турскиот претседател во Будимпешта се очекува да учествува на состанокот на Советот на шефови на државите на ОТС во рамките на Самитот во Будимпешта, што ќе се одржи на тема „Точка на средба на Истокот и Западот“, каде е предвидено да оствари билатерални контакти со домаќинот, унгарскиот премиер Виктор Орбан, и со шефовите на држави и влади кои учествуваат на Самитот.