Поплавите во Индонезија и Источен Тимор досега одзедоа 155 животи
Во Индонезија, која се наоѓа во екваторскиот појас, честопати се случуваат поплави и свлечишта, особено во месеците октомври и април
КУАЛА ЛУМПУР (AA) - Индонезискиот национален центар за управување со катастрофи соопшти дека поплавите во покраината Источна Нуса Тенгара се причина за смртта на 67 лица во градот Лембага, 49 во Источен Флорес и на 12 лица во Алор, пренесува Агенција Анадолија (АА).
Во соопштението се наведува дека во тек се операциите за пронаоѓање на 72 лица кои се водат како исчезнати во поплавите и свлечиштата што го зафатија регионот.
Во Индонезија, која се наоѓа во екваторскиот појас, честопати се случуваат поплави и свлечишта, особено во месеците октомври и април.
Според управата за временски непогоди, половината од населението на архипелагот, на кој живеат 125 милиони лица, се соочува со ризик од свлечиште.
- Поплавите во Источен Тимор причина за смртта на 27 лица -
Од друга страна, во Источен Тимор, соседот на Индонезија, во поплавите што го зафатија главниот град Дили и неговата околина досега животот го загубија 27 лица.
Според веста што ја објави индонезиската национална агенција „Антара“, по поплавите што започнаа вчера, илјадници лица се евакуирани од нивните домови и се префрлени во безбедни подрачја.
Се наведува дека меѓу лицата што ги загубиле животите во поплавите има шест деца.