ОН: Украинците страдаат многу поради разорувањето што го предизвика Русија

ЊУЈОРК (АА) Заменик-генералниот секретар на Обединетите нации (ОН) за хуманитарни прашања, Мартин Грифитс, изјави дека Украинците страдаат многу поради војната и разорувањата предизвикани од Русија, јавува Агенција Анадолија (АА).

Грифитс, во изјавата во Советот за безбедност на ОН, го сврте вниманието на „сѐ поголемиот број смртни случаи, раселувања и страдања“ во Украина поради војната што ја започна Русија на 24 февруари.

Истакна дека многу Украинци во текот на зимските месеци останале без струја поради руските напади и дека во земјата дошло и до криза во снабдувањето со вода.

„Денес, многу цивили во Украина прават различни напори да преживеат“, рече Грифитс.

Тој нагласи дека Украинците се соочуваат со многу проблеми и страдања, поради, како што рече, „бесмислената војна и руските напади врз инфраструктурата“.

Грифитс посочи дека на Украинците итно им е потребна помош, особено во текот на студените зимски денови.