ОН предупредуваат на сѐ поголема глад меѓу Палестинците

ГАЗА (АА) - Агенцијата на Обединетите нации за помош на палестинските бегалци (УНРВА) соопшти дека хуманитарната помош е оддалечена само неколку десетици километри од границата на Газа, но меѓу Палестинците владее сѐ поголем глад, известува Анадолу.

Директорот за планирање на УНРВА, Сем Роуз, остро ги критикуваше израелските ограничувања на граничните премини во Газа.

Тој потсети дека меѓународната заедница бара камионите со помош да ги преминат граничните премини Рафа и Керм Абу Салим.

Роуз истакна дека е потребно да се изврши притисок врз Израел за да се отворат и премините Ал-Минтар, Ал-Шуџаија и Беит Ханун.