ОН: Појасот Газа се соочува со невидена криза за храна и глад

ИСТАНБИЛ (АА) - Филипе Лазарини, генералниот комесар на Агенцијата на Обединетите нации за помош на палестинските бегалци на Блискиот исток (УНРВА), предупреди дека кризата за храна и гладта во блокираниот Појас Газа достигнале алармантно ниво, известува Анадолу.

УНРВА на социјалните мрежи ја сподели изјавата на Лазарини за ситуацијата во Појасот Газа, кој од 7 октомври е цел на жестоки и неселективни израелски напади.

„Каде и да отидете во Газа, гледате луѓе кои преживуваат очај, глад и паника“, рече Лазарини

Посочувајќи дека Газа се соочува со лоши животни услови во обем на каков никогаш досега не бил сведок, Лазарини упати предупредување дека ситуацијата е сѐ потешка.

„Сведоци сме на нешто сосема ново, а тоа е дека луѓето ги запреа камионите со помош, ја собраа помошта и веднаш ја јадеа, што го покажува нивниот очај и глад“, истакна Лазарини.