ОН: Мигрантската криза е глобален феномен, одвраќањето на луѓето нема да функционира

ЊУЈОРК (АА) - Мигрантската криза сега е глобален феномен, а едноставно затворањето на границите и одвраќањето на луѓето „нема да функционира”, рече комесарот за бегалци на ОН, Филипо Гранди, пренесува Anadolu Agency (AA).

Гранди, во изјавата за Би-би-си изјави дека повеќе земји треба да им помагаат на оние ретките во носење на товарот, во зголемување на финансиските средства и заштитата на бегалците.

„Минатата година, помалку од еден процент од вкупно 20-те милиони бегалци беа населени во други земји. Бегалците бегаат од конфликти и тешкотии повеќе од било кога во историјата”, рече Комесарот на ОН за бегалци, Филипо Гранди.

Новоименуваниот комесаријат за бегалци изјави дека фактот што Сиријците како бегалци заминуваат кон Источна Азија и Карибите, зборува фактот „ колку стана глобален овој феномен и токму затоа е потребен глобален одговор”.

Како што рече, товарот на згрижување го носат „неколкуте земји кои прифатија стотици илјади бегалци, главно оние кои се наоѓаат во близина на со војна зафатените земји” и дека неколку донатори, седум или осум, обезбедуваат 80 до 90 одсто од средствата за помош.

Гранди призна дека решението барало „многу долг и тежок разговор”, додавајќи дека „едноставните реакции со кои земјите ги затвораат границите и ги враќаат луѓето, нема да функционираат”.