Околу 57.000 раселени пристигнаа во Северен Судан по нападите на РСФ врз Дарфур и Кордофан

ИСТАНБУЛ (АА) - Околу 57.000 раселени лица пристигнаа во суданскиот град Ал-Деба во северната држава од регионите Дарфур и Кордофан поради нападите на Силите за брза поддршка (РСФ), соопшти денес Комисијата за помош.

Според комесарот за хуманитарна помош во Ал-Деба, Кавтер Џафар, раселените минале низ исклучително тешки услови во текот на патувањето, бегајќи од насилството во областите заземени од РСФ.

Меѓу пристигнатите има лица со повреди и фрактури, како и неисхранети деца.

Од вкупниот број пристигнати, околу 50.000 дошле од градот Ел-Фашер, меѓу кои 32.000 пристигнале по падот на градот под контрола на РСФ.

Во крвавиот конфликт меѓу суданската армија и РСФ, кој започна во април 2023 година, досега загинаа илјадници лица и милиони луѓе се раселени низ земјата.

Минатиот месец РСФ го зазеде главниот град на Северен Дарфур, Ел-Фашер, по што групата беше обвинета за масакри врз цивили. РСФ моментно контролира пет држави во регионот Дарфур, а армијата ја задржа контролата врз поголем дел од преостанатите 13 држави, вклучително и главниот град Картум.