Обединети Арапски Емирати: Влезот во БРИКС нема да ги наруши односите со Западот

АНКАРА (АА) - Пристапувањето на Обединетите Арапски Емирати (ОАЕ) во Организацијата на економии во развој, БРИКС, нема да им наштети на односите со Западот, истакна министерот за економија на земјата, пренесува Анадолу.

Абдула Бин Тук Ал-Мари за „Блумберг“ изјави дека Абу Даби го смета своето членство во организацијата како можност за развој на трговијата.

Министерот нагласи дека неговата земја планира да алоцира поголем капитал на Новата развојна банка што беше основана од страна на БРИКС пред две години.

Банката со седиште во Шангај има одобрен капитал од 100 милијарди долари, стои на нејзината веб-страница. Од своето основање банката одобрила проекти со кумулативна вредност од речиси 32 милијарди долари.

Ал-Мари нагласи дека членството во БРИКС нема да биде оска против Соединетите Американски Држави, истакнувајќи дека блокот ќе ја зголеми поддршката за плурализмот што ОАЕ му ја даваат на светот.

Основан во 2006 година, БРИКС ги вклучува Кина, Бразил, Русија, Индија и Јужноафриканската Република. Минатата недела блокот покани уште шест нови земји - Аргентина, Египет, Иран, Етиопија, Саудиска Арабија и Обединетите Арапски Емирати (ОАЕ) - да станат полноправни членки од јануари 2024 година.