Непал: Автобус со учесници на фестивал падна во река, 17 загинати

КАТМАНДУ

Патнички автобус падна во река во Непал. Во несреќата животот го загубија 17 лица, а 50-мина се повредени, јавува Anadolu Agency (AA).

Мадхав Кафле, претставник на полицијата, соопшти дека автобус со патници кои се враќале од фестивал, на 120 километри источно од главниот град Катманду, од висина од 20 метри паднал во реката Сункоши.

Кафле информираше дека во несреќата загинале 17 лица, а 50 се повредени, додавајќи дека се претпоставува дека причина за несреќата би можела да биде дефект на автобусот.

Кафле посочува на фактот дека во автобусот имало повеќе патници од дозволеното и додава дека 21 лице од повредените се наоѓаат на болничко лекување.

Тој рече дека патниците биле учесници и се враќале од Фестивалот „Тихар“.

Поради недостатокот на инфраструктура, запоставените патишта и возила, сообраќајните несреќи се честа појава во Непал.