НАТО во Германија отвори команда за поддршка на Украина

БЕРЛИН (АА) - Новата команда за Украина на НАТО отворена во Германија започна со работа, објави денес воената алијанса, јавува Анадолу.

„Ова е добар ден за Украина и НАТО“, се вели во соопштението на врховниот командант на сојузничките сили за Европа, генералот Кристофер Г. Каволи.

Тој рече дека безбедносната помош и обука на НАТО за Украина (НСАТУ) во Визбаден сега почнала да презема одговорности од САД и меѓународните организации.

„Работата на НСАТУ – да ја здружи поддршката од сојузниците и партнерите – е дизајнирана да ја стави Украина во позиција на сила, што го става НАТО во позиција на сила да ги одржува безбедни и просперитетни своите 1 милијарда луѓе и во Европа и во Северна Америка“, изјави тој.

Командата на НАТО за Украина, составена од 700 лица од целата Алијанса, ќе ја надгледува испораката на оружје и програмите за обука за украинските сили, преземајќи ја помалата мисија предводена од САД.

Командата ја презема од Групата за безбедносна помош-Украина (САГ-У), составена од 300 лица, предводена од САД, која управува со операциите за поддршка од избувнувањето на војната меѓу Русија и Украина во февруари 2022 година.

Лидерите на НАТО го одобрија создавањето на командата на НСАТУ во Германија за време на нивниот самит во Вашингтон во јули.