Мексико: 29 лица загинаа во автобуска несреќа

МЕКСИКО СИТИ (АА) - Во сообраќајна несреќа во јужниот дел на Мексико, до која дојде откако автобус излетал во амбис, животот го загубија 29 лица, пренесува Анадолу.

Несреќата се случила во близина на градот Магдалена Пенаско во државата Оахака, во средата наутро, кога возачот на туристичкиот автобус ја загубил контролата над возилото и излетал во амбис.

Според извештаите на локалните медиуми, животот го загубиле 15 жени, 13 мажи и едногодишно дете. Несреќата ја преживеале 19 лица, од нив петмина малолетници. Повредените се пренесени во околните болници и сите преживеани се во критична животна состојба.

Директорот на полицијата на државата Оахака, Торибио Лопез Санчез, изјави дека до несреќата дошло поради грешка на возачот.