Лидерите на ЕУ се договорија за дополнителен пакет од 50 милијарди евра поддршка за Украина

ЛОНДОН (АА) - Лидерите на ЕУ се согласија за дополнителен пакет за поддршка на Украина во рамките на буџетот на ЕУ, среде специјалниот состанок на Европскиот совет во Брисел, пренесува Анадолу.

„Имаме договор. Сите 27 лидери се согласија за дополнителни 50 милијарди евра пакет поддршка за Украина во рамките на буџетот на ЕУ“, рече претседателот на Европскиот совет, Шарл Мишел.

Тоа се случи откако лидерите на ЕУ се собраа на специјален состанок во Брисел за да разговараат за „итни прашања“, вклучително и за поддршката на Украина и за ситуацијата на Блискиот Исток.

Во декември лидерите не можеа да се договорат за пакет финансиска помош од 50 милијарди евра за Киев поради противењето на Унгарија.

„Ова станува стабилно, долгорочно, предвидливо финансирање за Украина. ЕУ ги презема водството и одговорноста за поддршка на Украина, знаеме што е во прашање“, напиша Мишел на социјалната платформа X.

Поздравувајќи го договорот, претседателката на Европската комисија, Урсула фон дер Лајен, рече дека тоа е „добар ден за Европа“.