Корисниците на Фејсбук ќе можат да знаат од која земја потекнуваат политичките пораки

ОУКЛЕНД (АА) - Сајтот за социјално вмрежување „Фејсбук“ соопшти дека за да се спречат дезинформациите предизвикани од странски држави на изборите во Соединетите Американски Држави (САД) ги означува од каде се објавуваат, пренесува Агенција Анадолија (АА).

Во соопштението на компанијата се вели дека целта е да се дешифрираат странските страници кои ги копираат легитимни политички групи или партии во САД.

Со новата практика, корисниците ќе можат да дознаат од која земја се објавуваат политичките изборни пораки на Фејсбук и Инстаграм .

Новиот чекор на Фејсбук е да се спречат тврдењата дека Русија и одредени други земји се обидуваат да ги насочат гласачите со помош на социјалните медиуми.

Фејсбук на 22 октомври минатата година отстрани неколку страници од Иран и Русија со образложение дека тие биле наменети да влијаат на претседателските избори во САД во 2020 година.

Во март, компанијата избриша стотици профили во африканските земји со образложение дека потекнуваат од Русија и се насочени кон домашната политика на САД.