Иран тврди дека соборил американско беспилотно летало над Ормускиот Теснец

Иранскиот корпус на Исламската револуционерна гарда денес соопшти дека пресретнал и уништил американско беспилотно летало МК-9 над Ормускиот Теснец, објави полудржавната новинска агенција Фарс, пренесува Анадолу.

Револуционерната гарда соопшти дека беспилотното летало бил соборено рано утринава, додека летало над стратегискиот поморски теснец, објави новинската агенција.

Според агенцијата, Гардата тврди дека ова е 54-тото американско беспилотно летало МК-9 што го уништила.

САД и Израел започнаа војна против Иран на 28 февруари. Техеран одговори со ракетни напади и напади со беспилотни летала низ регионот и го затвори Ормускиот Теснец, додека Вашингтон подоцна воведе поморска блокада на иранските пристаништа.

САД и Иран потоа во јуни потпишаа Меморандум за разбирање во врска со непреченото пловење низ Теснецот, но неговата примена беше закочена поради несогласувањата поврзани со безбедноста во овој стратегиски поморски премин.