Ekip
21 Февруари 2019•Ажурирај: 22 Февруари 2019
ТЕХЕРАН (АА) - Иранската воена морнарица ќе одржи вежба во стратешкиот Хормушки Мореуз, во моментот кога притисокот на Иран се продолжува откако Соединетите Американски Држави повторно наметнаа санкции, кои се насочени на неговиот витален нафтен сектор, пренесува Anadolu Agency (AA).
Хормушкиот Мореуз е единствен морски премин од Персискиот Залив и е клучен залив за глобално снабдување со енергија. Низ него поминува околу третина нафта со која се тргува преку морето.
Иранскиот адмирал Хусеин Канзади во четвртокот за државната телевизија изјави дека тридневните маневри ќе започнат в петок и дека ќе се протегаат до Оманското Море и рабовите на Индискиот Океан.
Тој истакна дека во вежбата, која е наречена „Velayat-97“, ќе учествуваат подморници, воени бродови, хеликоптери и извидувачки авиони. За време на вежбата е планирано и лансирање на проектили од бродовите.
Иран редовно одржува вежби во Хормушкиот Мореуз.
