Израелските сили упаднаа на погребот на палестински активист убиен од израелски доселеник

ХЕБРОН (АА) – Израелските сили денес извршија упад на погребот на палестинскиот активист Одех Хаталин, кој беше убиен од нелегален израелски доселеник во градот Хеврон, на окупираниот Западен Брег, јавува Анадолу.

За време на погребот, израелските сили привеле двајца странски активисти кои присуствувале на церемонијата.

Одех Хаталин беше истакнат палестински активист познат по неговата борба против окупацијата и насилствата од страна на доселениците.

Тој, исто така, беше соработник на документарниот филм „Нема друга земја“ („No Other Land“), кој ја доби наградата „Оскар“.