Израелски министер заедно со група радикални Евреи упадна во „Месџид-и Акса“

ЕРУСАЛИМ (АА) - Израелскиот министер за земјоделство, Ури Ариел, придружуван од група радикални Евреи, обезбеден од израелската полиција упадна во „Месџид-и Акса“, јавува Anadolu Agency (AA).

Во соопштението на Исламската администрација во Ерусалим (Кудс) се вели дека Ариел со група екстремни Евреи рано изутрина влегол во „Месџид-и Акса“.

Во изјавата се истакнува дека Ариел и неговата придружба останале одреден период во дворот на „Месџид-и Акса“, потоа ја напуштиле областа.

Ариел, кој е министер од партијата Еврејски дом во коалициската Влада во Израел, минатата година многупати упадна во „Месџид-и Акса“, а последен пат, на 5 февруари влезе во „Харем-и-Шериф“.

Радикалните Евреи, одвреме-навреме во утринските часови и попладне во придружба на израелската полиција влегуваат во дворот на „Месџид-и Акса“. Оваа ситуација често предизвикува ескалација на тензиите во регионот, а исто така предизвикува и расправии меѓу Палестинците и израелската полиција.

„Месџид-и Акса“, која се наоѓа во окупираниот Западен Брег е првата Кибла на муслиманите.

Евреите, со тврдење дека во комплексот „Месџид-и Акса“ има урнатини од т.н. Храм на Соломон, прават ископувања. Евреите, исто така тврдат дека тие имаат право да се молат во „Месџид-и Акса“.