Израел: Министерот Бен-Гвир нареди полицијата да ги забрани палестинските знамиња на јавни места

ЕРУСАЛИМ (АА) - Израелскиот министер за национална безбедност Итамар Бен-Гвир вчера ѝ наложи на полицијата да не дозволува истакнување на палестински знамиња на јавни места, пренесува Агенција Анадолија (АА).

„Не може прекршителите на законот да веат терористички знамиња, да поттикнуваат и охрабруваат тероризам, затоа наредив да се отстранат знамињата што го поддржуваат тероризмот од јавниот простор и да се запре подбуцнувањето против Израел“, напиша Бен-Гвир на Твитер.

Бен-Гвир ја донесе одлуката откако палестинскиот затвореник Карим Јунис, кој помина 40 години зад решетки во израелски затвор, беше ослободен во четвртокот и ентузијастички се поздрави во неговото родно село Ара во северен Израел со веење на палестински знамиња.