Şerife Çetin
08 Јуни 2019•Ажурирај: 09 Јуни 2019
БРИСЕЛ (АА) - САД и 19 земји од Европа по 47. пат се подготвуваат да ја реализираат најопсежната вежба во Балтичкото Море, наречена BALTOPS, јавува Anadolu Agency (AA).
Вежбата ќе се реализира под водство на САД помеѓу 9 и 12 јуни, односно ќе започне утре од германското пристаниште Кил на Балтичкото Море.
На вежбата BALTOPS 47 ќе учествуваат земјите членки на НАТО, како САД, Турција, Белгија, Данска, Естонија, Франција, Германија, Латвија, Литванија, Холандија, Норвешка, Полска, Португалија, Романија, Шпанија и Велика Британија, како и земјите партнери Шведска и Финска.
Исто така, на оваа вежба ќе бидат вклучени 8.600 трупи, 50 бродови и подморници, како и 40 авиони.
Во овие рамки ќе се реализираат операции како уништување на морски мини и подморници, развивање на воздушната одбрана и воена обука против можни напади на непријателски бродови.
Русија пред 2014 година учествуваше на оваа вежба, но оваа година нема да биде поканета поради анексијата на Крим и нејзините активности кои ја нарушуваат стабилноста во Украина.
