Şerife Çetin,Ömer Tuğrul Çam
23 Март 2021•Ажурирај: 24 Март 2021
БРИСЕЛ
НАТО е темел на нашатата колективна одбрана, заедно ја потврдуваме нашата свечена посветеност на Вашингтонскиот договор и дека напад на сојузниците ќе се смета за напад на сите нас, порачаа во заедничката изјава шефовите на дипломатиите на Северноатланскиот сојуз (НАТО) денес во Брисел, јавува Агенција Анадолија (АА).
„Руските агресивни акции претставуваат закана кон евроатланската безбедност, тероризмот во сите облици и манифестации останува трајна закана кон сите нас", наведоа министрите за надворешни работи на земјите членки на НАТО во заедничка изјава.
Министрите, кои по година дена прв пат се состанаа во Брисел, објавија заедничка изјава во која подвлекоа дека се собрале за да ја потврдат трансатланската врска помеѓу Европа и Северна Америка, во чие срце е НАТО.
„НАТО ја сочинува основата на нашата колективна одбрана. Заедно ја потвдуваме нашата сериозна посветеност кон Вашингтонскиот договор и дека ќе се смета дека напад на сојузниците е напад на сите нас", наведоа во изјавата.
Во изјавата се нагласува дека НАТО, како најмоќен сојузник низ историјата, обезбеди слобода, територијален интегритет и заеднички вредности на речиси милијарда луѓе.
„Како одбранбен сојуз, НАТО не претставува закана кон ниту една земја", порачаа министрите на земјите членки на НАТО.
Наведено е и дека НАТО ја подобри способноста и ставот на одбраната и одвраќањето како одговор на поопасните и непредвидливото безбедносно опкружување.
„Напредуваме во поправедна поделба на товарот, ги поздравуваме напорите на сите сојузници во Европа и Северна Америка кои придонесуваат кон нашата неразделна безбедност. Мораме и ќе направиме повеќе", соопштено е во заедничката изјава.
Наведоа дека НАТО ќе продолжи да се прилагодува на ситуацијата во светот.
„Пандемијата на Ковид-19 уште еднаш покажува дека се соочуваме со предизвиците кои без прекин се развиваат. Ние ќе продолжиме да ја осигуруваме нашата одбрана и оперативната ефикасност во текот на целата криза", порачаа министрите за надворешни работи на земјите членки на НАТО.
Во заедничката изјава искажаа почест кон сите кои се борат против пандемијата во сите земји ширум светот.
„Трансатланското партнерство и понатаму е камен темелник на нашата колективна одбрана, клучно за нашата политичка кохезија и клучен столб на меѓународниот поредок, заснован врз правила. Претстојниот самит на НАТО ќе отвори ново поглавје во трансатланските односи и ќе го постави смерот за иднина на нашиот сојуз до 2030 година и подоцна", наведоа министрите.
Потсетија дека во согласност со одлуката на нивните челници во Лондон во декември 2019 година, додатно ќе ја зајакнат политичката димензија на НАТО, вклучувајќи ги консултациите.
„И понатаму ќе работиме заедно, гарантирајќи ја нашата безбедност, просперитет, демократијата и слободата", порачаа шефовите на дипломатиите на НАТО денес во Брисел.
