За три месеци се удавиле 177 лица во езерата и реките на Казахстан

АСТАНА (АА) - Во реките и езерата на Казахстан се удавиле 177 лица во периодот од јуни до август оваа година, пренесува Анадолу.

Од Министерството за вонредни состојби се наведува дека во периодот од 1 јуни до 31 август се удавиле 177 лица, од кои 53 на возраст под 18 години.

Спасувачките екипи од давање спасиле 136 лица, од кои 51 дете.

Во соопштението на казахстанското Министерство се наведува дека повеќето од лицата се удавиле во реките и езерата влегувајќи на места што се сметаат за опасни за бањање.

Во истиот период минатата година во Казахстан се удавиле 184 лица.