ЕУ додаде 3,5 милијарди евра во буџетот за воена помош

БРИСЕЛ (АА) - Европската Унија денес додаде 3,5 милијарди евра во својот буџет за воена помош за Украина, пренесува Анадолу.

„Министрите за надворешни работи на ЕУ донесоа одлука за зголемување на вкупната финансиска граница на Европскиот мировен фонд (ЕПФ) за 3,5 милијарди евра“, се вели во соопштението на Советот на ЕУ.

Овој потег го зголеми вкупниот буџет на воениот фонд на 12 милијарди евра, што е второ зголемување од воспоставувањето на финансискиот инструмент во 2021 година.

„Оваа одлука праќа јасен политички сигнал за трајната посветеност на ЕУ за воена поддршка за Украина и другите“, се додава во соопштението.

ЕУ веќе одвои 4,6 милијарди евра воена поддршка за Украина од почетокот на руската војна минатата година во февруари.