Şerife Çetin
31 Октомври 2019•Ажурирај: 01 Ноември 2019
БРИСЕЛ (АА) - Главниот застапник на Европскиот суд на правдата истакна дека Чешка, Унгарија и Полска го прекршиле Законот на ЕУ со тоа што не успеале да го спроведат системот на квоти на Комисијата на Европската Унија (ЕУ) за задолжителна распределба на бегалците, пренесува Anadolu Agency (AA).
Еленор Шарпстон, главната застапничка на Европскиот суд на правдата, највисокиот правен орган на ЕУ со седиште во Луксембург, ја коментираше тужбата што ја поднесе Комисијата на ЕУ против Чешка, Унгарија и Полска за неисполнување на системот за задолжителна квота.
„Судот треба да одлучи дека Полска, Унгарија и Чешка не успеале да ги исполнат своите обврски според Законот на ЕУ, не успеале да го исполнат системот за задолжителна квота, кој се планира да се спроведе привремено и за одредено време“, истакна Шарпстон.
Во 2015 година, Комисијата на ЕУ донесе одлука за повторно преселување на 160.000 бегалци со задолжителен систем на квоти, за да се намали товарот врз Италија и Грција, кои се наоѓаа во првите редови на миграциската криза.
Чешка, Унгарија и Полска се спротивставија на оваа одлука и одбија да прифатат бегалци. Потоа, Европската комисија поднесе тужба против трите земји во Европскиот суд на правдата.
Мислењето на главниот застапник на Европскиот суд на правдата не е обврзувачки, но се очекува во голема мера да влијае врз одлуката на Судот.
