Директорот на турски МИТ, Калин, во Сирија се сретна со претседателот Шара и неговата делегација

АНКАРА (АА) - Директорот на Националната разузнавачка организација (МИТ) на Турција, Ибрахим Калин, во Сирија се сретна со претседателот Ахмед Шара, министерот за надворешни работи Асад Хасан ал-Шабани и директорот на Разузнавачката организација Хусеин eс-Селаме, известува Анадолу.

Според информациите добиени од безбедносни извори, Калин вчера во Сирија се сретна со сирискиот претседател Шара, министерот за надворешни работи ал-Шабани и директорот на Агенцијата за разузнавање Саламе.

За време на состанокот, биле разгледани билатералните односи меѓу Турција и Сирија, истакната е важноста на територијалниот интегритет, суверенитет и политичката стабилност на Сирија и потврдено е дека Турција секогаш ќе стои покрај Сирија.

За време на состанокот биле разгледани прашања како што се положувањето на оружјето од страна на терористичката организација ПКК/ЈПГ и интегрирањето во новата Сирија, како што тоа го сторија другите групи, префрлањето на граничната безбедност, царинските премини, како и затворите и камповите во кои се наоѓаат членовите на ДЕАШ на сириската администрација. На средбата е истакнато дека Турција е подготвена да обезбеди секаков вид поддршка што и е потребна на администрацијата во Дамаск.

На состанокот, во рамките на разговорите за регионалните случувања, станало збор за нападите и воздушните прекршувања од страна на Израел врз Сирија, за укинувањето на сите санкции кон Сирија, борбата против ДЕАШ и доброволното и безбедно враќање на сириските бегалци во својата земја.