Гугл казнет во Русија со околу 40.000 долари

МОСКВА (АА) - Рускиот суд го казни Гугл со три милиони рубљи (околу 40.000 долари) затоа што не ги избришал видеата на Јутуб за кои се тврди дека содржат ЛГБТ-пропаганда, пренесува Анадолу.

Руската Федерална агенција за надзор на информатичките технологии и медиумите (Роскомнадзор) поднесе тужба против Гугл, а судењето се одржа пред судот во Москва.

Судот пресуди дека законите не биле почитувани, тврдејќи дека некои видеа на Јутуб, за кои се вели дека содржат ЛГБТ-пропаганда, не биле избришани и го казни Гугл со три милиони рубљи.

Гугл претходно во 2021 година беше казнет со 7,2 милиони рубљи, поради слични причини.