Германија: Поради терористичка закана прекинати летовите на аеродромот во Хамбург

БЕРЛИН (АА) - Сите летови од германскиот аеродром во Хамбург се привремено суспендирани поради безбедносна закана, соопштија властите, пренесува Анадолу.

„Поради тековната полициска операција, моментално не се можни полетувања и слетувања“, се вели во соопштението на аеродромскиот оператор објавено на социјалните мрежи.

Според јавниот радиодифузен сервис НДР, полицијата во моментов го претресува авионот што пристигнал од иранската престолнина Техеран.

Полицијата претходно добила дојава преку е-пошта за можен бомбашки напад, се вели во веста.

Авионот слетал во Хамбург околу 12:20 часот по локално време, а во него имало 198 патници и 16 членови на екипажот.