свет

Г7: Европа и САД се согласија да ја зајакнат соработката за енергетската безбедност

- Како Русија ги намалува испораките на природен гас за ЕУ, така САД и другите производители ги засилуваат, се вели во заедничкото соопштение

Aysu Biçer  | 28.06.2022 - Обновена : 29.06.2022
Г7: Европа и САД се согласија да ја зајакнат соработката за енергетската безбедност

ШЛОС ЕЛМАУ (АА) - Соединетите Американски Држави (САД) и ЕУ во понеделник се согласија да ја зајакнат соработката за енергетската безбедност со крајна цел за дополнително намалување на приходите на Русија од нафта и гас, известува Агенција Анадолија (АА).

„Работиме рака под рака за да го прошириме снабдувањето на Европа и да останеме во курсот на нашата заедничка цел за климатска неутралност. Исто така ќе истражиме начини за дополнително намалување на приходите на Русија од енергија, што се користат за финансирање на нејзината војна во Украина“, изјави претседателката на Комисијата Урсула фон дер Лајен.

Претседателот Џо Бајден и фон дер Лајен издадоа заедничка изјава на вториот ден од самитот на Г7 во Германија.

И двајцата лидери рекоа дека ќе ги охрабрат земјите на Г7 и европските и американските компании да ја постигнат првичната цел за распоредување на најмалку 1,5 милиони паметни термостати за заштита на енергија во европските домаќинства оваа година.

„Ние исто така соработуваме за да го прошириме снабдувањето со енергија во Европа“, се вели во соопштението, во кое се истакнува дека Русија го прекинала снабдувањето со природен гас за неколку европски земји, но САД и други производители го засилиле.

„Од март, глобалниот извоз на течен природен гас (LNG) во Европа се зголемил за 75 отсто во споредба со 2021 година, додека извозот на американскиот ЛНГ во Европа се зголеми речиси тројно“, велат лидерите.

Бајден и фон дер Лајен дополнително рекоа дека тие ќе продолжат да работат заедно на намалување на емисиите на метан на глобално ниво.

Земјите од Г7 се согласија заедно да работат за да ја забрзаат транзицијата на 'чиста и правична' енергија и да обезбедат енергетска безбедност во борбата против климатските промени.

Лидерите на Јужна Африка, Сенегал, Индија, Индонезија и Аргентина исто така дадоа заедничка изјава за климатските промени и чиста енергија, заложувајќи се дека ќе ја намалат зависноста од фосилните горива во енергијата и дека ќе истражат нови опции за брзо проширување на обновливите извори на енергија.

На самитот на Г7 лидерите зборуваат за зголемувањето на цените на енергијата и цените на храната и нивната безбедност.

Додека испораките на природен гас од Русија во Европа се намалија бидејќи капацитетот на Северен тек е намален, Холандија, Германија и Австрија најавија дека овој месец централите на јаглен повторно ќе се активираат за да се намали потрошувачката на гас со цел да се полнат капацитетите за складирање гас.


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.