Во бањата на најмен стан преку „Ербнб“ во Франција пронајдена скриена камера

АНКАРА (АА) - Во стан што се наоѓа во францускиот регион Горна Савоја, најмен од две жени преку „Ербнб“, пронајдена е скриена камера, пренесува Анадолу.

Жената по име Медисон и нејзината пријателка најмиле стан преку платформата „Ербнб“ за својот одмор во градот Динжи Сен Клер, во регионот Горна Савоја, објави француски „Бле“.

Една од жените во бањата на станот забележала нешто како дигитален часовник. По детален преглед утврдиле дека станува збор за камера што е поставена за да ја снима туш-кабината.

Уредот го однеле во најблиската станица на жандармеријата, а по прегледот на уредот е утврдено дека во него се наоѓаат камера со мемориска картичка од 32 гигабајти и тајно снимени видеа на 14 лица што претходно го користеле станот.

Окружното обвинителство во Анси поведе истрага против одговорните за „тајното видеоснимање и нарушување на приватноста на луѓето“. Обвинителството го проследи проблемот до „Ербнб“ и побара податоци за сопственикот на сметката и луѓето што претходно го најмувале станот.

Жените што ја откриле камерата изјавија дека „Ербнб“ не презел никаква одговорност, освен враќање на средствата што ги уплатите. Тие рекоа дека од компанијата биле рамнодушни кон проблемот, што го оцениле како нефер.

Видеото во кое Медисон, една од жетвите, на социјалните мрежи го раскажа своето искуство е видено речиси 2 милиони пати.

Во меѓувреме, „Ербнб“ објави дека станот е отстранет од огласите за најмување.