Ahmet Gençtürk
20 Февруари 2022•Ажурирај: 23 Февруари 2022
АНКАРА (АА) - Бурата Јунис зад себе во Полска остави четворица загинати и девет повредени, како и над 400.000 домови без електрична енергија, соопштија денес полските претставници на Цивилната одбрана, пренесува Агенција Анадолија (АА).
Карол Киерцковски, главен командант на Државната противпожарна служба, истакна дека пожарникарските тимови интервенирале во речиси 25.000 ситуации предизвикани од невремето што ја зафати земјата од вчера.
„Во невремето животот го изгубија најмалку четири лица, девет се повредени, а оштетени се 5.177 објекти“, додаде тој.
Заменик-директорот на Центарот за државна безбедност, Марек Кубијак, соопшти дека од утрово без електрична енергија останале 406.686 домови низ земјата, пренесе полската државна новинска агенција ПАП.
Во бурата Јунис, што во петокот ја зафати северозападна Европа, наместа со ветрови со брзина од речиси 200 километри на час, животот го загубија 16 лица, предизвикана е материјална штета и прекини на електричната енергија во стотици илјади домови.
