Бројот на загинатите во земјотресот во Италија се искачи на 2 лица

РИМ (АА) - Во земјотресот што синоќа го зафати островот Искја во западниот дел на Италија, бројот на загинатите се искачи на 2 лица. Во тек се акциите на екипите за потрага и спасување на настраданите во земјотресот, јавува Anadolu Agency (AA).

Според италијанската новинска агенција „ANSA“ (АНСА), туристичкиот остров Искја, кој се наоѓа западно од градот Наполи, синоќа во 20.57 часот по локално време беше погоден од земјотрес со интензитет од 4 степени според Рихтер, во кој животот го загубија 2 лица, а 39 се повредени, а 1 лице е во животна опасност.

Во соопштението на Националниот Институт за геофизика и вулканологија (INGV) се вели дека земјотресот со интензитет од 4 степени бил на длабочина од 5 километри и се додава дека продолжуваат акциите за пребарување и спасување на настраданите лица.

Во акциите кои траеја цела ноќ, од под урнатините е извлечено 7-месечно бебе заедно со неговото семејство. Спасеното бебе е во добра здравствена состојба.

И покрај тоа што изминаа повеќе од 12 часа од земјотресот, екипите за потрага и спасување продолжуваат со акцијата за пронаоѓање на 2 деца кои останале под урнатините.

Од друга страна, експертите ги поврзуваат предизвиканите материјални штети и човечките жртви од земјотресот со интензитет од 4 степени, со две причини. Експерите сметаат дека една од причините е што епицентарот на земјотресот е на длабочина од само 5 километри, додека како втора причина наведуваат дека куќите на островот не се изградени од квалитетен материјал, што довело до голема материјална штета.

Поради стравот и загриженоста што ги предизвика земјотресот, синоќа од островот со бродови се префрлени 1.000 жени.