Бројот на загинати во земјотресот во Индонезија се искачи на 310

АНКАРА (АА) - Бројот на загинати во земјотресот со јачина од 5,6 степени кој се случи на 21 ноември во индонезиската покраина Западна Јава, се зголеми на 310, пренесува Агенција Анадолија (АА).

Според веста на ЦГТН (CGTN), во соопштението на Националната агенција за управување со катастрофи на Индонезија се наведува дека 24 лица се водат како исчезнати поради земјотресот кој се случи 18 километри југозападно од градот Цирањанг.

Властите соопштија дека бројот на лицата кои го загубиле животот како резултат на земјотресот пораснал на 310.

Центарот за геолошки истражувања на САД претходно соопшти дека земјотресот со јачина од 5,6 степени се случил на длабочина од 10 километри.

Земјотресот бил почувствуван и во индонезискиот главен град Џакарта. По земјотресот не бил даден аларм за цунами.