Американскиот државен секретар Рубио во прва официјална посета на Саудиска Арабија

АНКАРА (АА) - Американскиот државен секретар Марко Рубио денеска пристигна во Ријад, а ова е негова прва официјална посета на Саудиска Арабија, јавува Анадолу.

Саудискиот новински канал „Ал Екхбарија“ го потврди пристигнувањето на шефот на американската дипломатија без да даде детали за неговата агенда.

Посетата е прва на Рубио откако минатиот месец стана државен секретар во администрацијата на претседателот Доналд Трамп.

Се очекува тој да се состане со највисоките саудиски функционери, вклучително и со престолонаследникот Мухамед бин Селман и министерот за надворешни работи Фајсал бин Фархан, за да разговараат за регионалните случувања, особено за договорот за прекин на огнот во Газа.

Рубио пристигна во Кралството од Израел, каде што се состана со високи функционери, вклучително и со премиерот Бенјамин Нетанјаху.