Mигранти повредени во интервенциите на грчките сили поднесоа жалба до Европскиот суд за човекови права

ЕДРЕНЕ (АА) - САЛИХ БАРАН/ЏИХАН ДЕМИРЏИ –

Четворица мигранти повредени во острите интервенции на грчките безбедносни сили, поднесоа жалба до Европскиот суд за човекови права.

Мигрантите веќе 18 дена чекаат на грчката граница за да преминат од Едрене кон Европа.

Грчките гранични сили одвреме-навреме врз мигрантите интервенираат со гасни бомби, водени топови и куршуми. Од интервенциите беа погодени голем број луѓе, од кои тројца починаа.

Повредените и погодените од гасот се лекуваат во полската болница во регионот и во другите градски болници.

- Здравствени услуги пружени на 7.024 мигранти -

Директорот за здравство на Едрене, Али Џенгиз Калкан, во изјавата за Агенција Анадолија (АА) рече дека од првиот ден дадени се здравствени услуги на 7.024 мигранти.

Калкан, истакнувајќи дека првите интервенции и третмани за 5.564 мигранти се извршени во теренските шатори, рече: „Продолжуваме со примарните здравствени услуги на терен. Во тој контекст вакцинирани се 1.581 дете, исто така вакцинирани се и 44 бремени жени.“

Наведе дека работите за чистење и хигиена во областа каде што се наоѓаат мигрантите, продолжува.

„Регионот се дезинфицира. На сите мигранти во нашите теренски шатори им се нуди услуга. Како резултат на отворениот оган на грчките безбедносни сили, починаа 3 мигранти. Во интервенциите повредени се 213 мигранти. Од овие повредени, 13-мина продолжуваат да се лекуваат во нашите болници.“

Калкан рече дека гасните бомби исфрлени од Грција одвреме-навреме паѓаат и во шаторите што се наоѓаат на теренот, и дека здравствените работници се обидуваат да даваат услуги со маски за гас во тешки услови.

- Жалба до Европскиот суд за човекови права -

Калкан, исто така истакна дека 4 мигранти повредени како резултат на интервенциите на грчките сили, преку своите адвокати поднеле жалба до Европскиот суд за човекови права.

Истакнувајќи дека прекршувањата на правата ги следат Адвокатската комора на Турција, Комората на Истанбул и Комората на Едрене, Калкан рече дека уште 25 мигранти кои се повредени се подготвуваат да поднесат жалба до Европскиот суд за човекови права.

- Суровите интервенции на грчките безбедносни сили кон мигрантите снимени со камера

Секој ден излегуваат нови кршења на човековите права од страна на Грција, која интервенира насилно врз мигрантите кои сакаат да заминат во Европа.

Интервенциите на грчките безбедносни сили кои ги враќаат мигрантите назад во Турција, снимени се со камера.

Според снимките, еден припадник на грчките гранични сили со нога гази врз грбот на мигрант кој лежи на стомак поради проверка.