Сирискиот претседател Ал-Шара пристигна во Њујорк, прва посета на ОН на сириски шеф на држава од 1967 година

ИСТАНБУЛ (АА) - Сирискиот претседател Ахмед ал-Шара пристигна во Њујорк, посета што државните медиуми ја нарекоа „историска“ со присуството на Генералното собрание на Обединетите нации. Тоа претставува прво појавување на сириски шеф на држава на годишниот собир од 1967 година, јави државната Сириска арапска новинска агенција (САНА), пренесува Анадолу.

САНА објави дека Ал-Шара предводи официјална делегација во која се неколку министри и високи претставници за состаноците на високо ниво во седиштето на ОН.

Сириското Претседателство преку платформата на американската компанија за социјални медиуми X соопшти дека во рамките на посетата Ал-Шара се сретнал со група сириски емигранти во САД.

Тој ја нагласил „важноста на нивната улога во пренесувањето на вистинската слика за Сириската Арапска Република“ и изразил „своја благодарност за нивните искрени напори во служењето на нивната татковина“.