СКОПЈЕ (АА) - Поројните дождови предизвикаа поплави во неколку станици на метрото во Њујорк, Соединетите Американски Држави, јавува Анадолу.

Од поплави особено се погодени делови од линијата 6 на њујоршкото метро.

Вчера гувернерката на Њујорк, Кети Хочул, прогласи вонредна состојба за градот Њујорк и околните окрузи поради поројните дождови и опасноста од големи поплави.

„Ги повикувам сите жители на Њујорк да бидат внимателни, информирани и да бидат претпазливи бидејќи очекуваме прекумерни врнежи од дожд со потенцијал за ненадејни поплави“, порача Хочул преку соопштение.