БОГОТА (АА) - Бразилскиот претседател Луиз Инасио Лула да Силва во врска со тековните напади на Израел врз Газа го изјави следното: „Она што се случува во Газа е геноцид. Се убиваат жени и деца кои немаат никаква врска со војната“, известува Анадолу.

Претседателот Лула да Силва остро реагираше на нападите на Израел врз Газа на прес-конференција во Претседателската палата Планалто.

Нагласувајќи дека она што се случува во Газа нема никаква врска со војна, бразилскиот претседател истакна:

„Она што се случува во Појасот Газа е геноцид. Се убиваат жени и деца кои немаат никаква врска со војната. Тие убиваат жени и деца, децата ги оставаат да гладуваат. Мислам, не можете ниту да пешачите таму со намера да пронајдете некого. Има видеоснимка како две деца носат брашно за подготовка на јадење и тие беа убиени.“

Споредувајќи го историското страдање на Евреите со она што се случува во Газа, Лула да Силва го рече следното:

„Всушност, токму поради страдањата што Евреите ги доживеале во минатото, државата Израел мора да дејствува со здрав разум кон човечноста и палестинскиот народ. Мир ќе има само кога државата Палестина ќе биде слободна и суверена држава. Израел не сака да се спроведе договор заснован на границите од 1967 година и секој ден испраќа војници да напаѓаат луѓе на палестинските територии, вклучително и на Западниот Брег. Ги напаѓаат земјоделците кои работат во палестинските села. Потоа доаѓаат и велат ‘антисемитизам’. Мислам дека веќе треба да ја тргнат настрана оваа виктимизација.“

Претседателот Лула да Силва неодамна на својот профил на социјалните мрежи сподели објава за палестинска докторка на која ѝ беа убиени 9 од нејзините 10 деца во воздушен напад извршен од Израел врз Газа, упатувајќи остри критики кон Израел.

Во објавата Лула да Силва вели:

„Ова е срамен и кукавички напад. Како резултат на израелскиот воздушен напад во Газа, докторката Ела ал-Наџар​​​​​​​ успеа да ги одржи живи само едно од своите деца и сопругот, а и нивната состојба е критична. Овој инцидент јасно открива колку е сурова и нехумана војната што вооружена држава ја води против беспомошните цивили.“