ДОХА / ИСТАНБУЛ (АА) – Катар ќе биде домаќин на вонреден Арапско-исламски самит на 14 и 15 септември, на кој ќе се разговара за израелскиот напад врз Доха, објави денес државната новинска агенција QNA, пренесува Анадолу.

Во вторникот израелски воени авиони извршија воздушен напад врз раководството на Хамас во Доха, при што загинаа пет члена на групата. Хамас потврди дека неговото раководство го преживеало израелскиот напад.

Катар го осуди нападот како „кукавички чин“ и флагрантно кршење на меѓународното право, предупредувајќи дека нема да го толерира „безобѕирното однесување“ на Израел.