ИСТАНБУЛ (АА) - Пријавени се четири експлозии во руралните области на иранскиот град Ком од американско-израелските напади, соопшти рано утрово ирански официјален претставник, пренесува Анадолу.

Заменик-гувернерот на Ком, Мортеза Хејдари, изјави дека цел на нападите биле две одделни подрачја на периферијата на градот, објави новинската агенција Фарс.

Хејдари не даде никакви информации за жртви или материјална штета.

Ескалацијата во регионот се зголеми откако Израел и САД започнаа офанзива врз Иран на 28 февруари, во која досега загинаа повеќе од 1.340 лица, меѓу кои и тогашниот врховен лидер ајатолахот Али Хамнеи.

Иран возврати со напади со беспилотни летала и ракети насочени кон Израел, Јордан, Ирак и земјите од Персискиот Залив каде што се наоѓаат американски воени бази, предизвикувајќи жртви и штета на инфраструктурата, а наедно и нарушување на глобалните пазари и авиосообраќајот.