Иран: Шест милијарди долари од средствата во Катар треба да бидат ослободени според договорот со САД

Иранскиот претседател Масуд Пезешкијан денес изјави дека 6 милијарди долари од средствата на Иран што се чуваат во Катар „треба да бидат ослободени“ и вратени во земјата според договорот со САД, јавија иранските медиуми, пренесува Анадолу.

„Врз основа на направените планови, 6 милијарди долари од вкупно 12 милијарди долари од средствата на Иран во Катар треба да бидат ослободени и вратени во земјата“, рече Пезешкијан за време на состанокот со ајатолахот Шобеири Занџани, според новинската агенција ИСНА.​​​​​​​

Тој додаде дека „во тек се неопходните понатамошни активности“ за враќање на преостанатите средства.