РЕЈКЈАВИК (АА) - Исланд, кој се наоѓа на линијата на раздвојување на евроазиските и северноамериканските тектонски плочи, со својата природа каде коегзистираат интензивната вулканска активност и глацијалните формации, секоја година е домаќин на илјадници туристи, пишува Анадолу.

Оваа островска држава лоцирана во Северниот Атлантик, со својата динамична структура дефинирана како „Земја на огнот и мразот“, се издвојува како важен центар и за природниот туризам и за научните истражувања.

Низ неговите пространства, активните вулкани, полињата со лава, гејзерите и изворите на топла вода се открива геотермалниот потенцијал на земјата, а овие извори истовремено играат важна улога во производството на енергија.

Исланд е меѓу земјите кои голем дел од своите потреби за електрична енергија и греење ги задоволуваат од обновливи извори на енергија.

Од аспект на туристичкиот сектор, земјата продолжува да го привлекува вниманието на посетителите со поларната светлина, ледените пештери и уникатните природни пејзажи. Во стремежот за зачувување на оваа кревка убавина, надлежните преку политиките за одржлив туризам, имаат за цел да ја заштитат природната средина, но и да ги зголемат приходите од туризмот.