Турската Фондација Маариф ги презеде училиштата кои работеа под покровителство на ФЕТО во Буркина Фасо

АНКАРА (АА) - Турската фондација Маариф ја презеде контролата врз три кампуси поврзани со терористичката организација Фетулах (ФЕТО) во западноафриканската држава Буркина Фасо, јавува Анадолу.

Во соопштението на Маариф се вели дека три кампуси поврзани со ФЕТО во Буркина Фасо се префрлени на Фондацијата на годишнината од 15 Јули, Денот на демократијата и националното единство, годишнината од обидот за државен удар во 2016 година зад кој стои терористичката организација ФЕТО.

Властите на Буркина Фасо со одлука донесена на 3 јули одлучија да ги национализираат образовните институции поврзани со ФЕТО и да ги префрлат на турската Фондација Маариф. Делегацијата на Маариф, која отпатува во земјата, постигна договор со властите во Буркина Фасо за сите прашања.

На свеченоста што се одржа по повод 15 Јули, Денот на демократијата и националното единство, турскиот амбасадор во Уагадугу, Нилгун Ердем Ари, рече дека купувањето на овие училишта од страна на Маариф ќе ги зајакне односите меѓу двете земји.

„Турската Фондација Маариф спроведува успешни образовни активности во многу африкански земји. Кога ќе заврши процесот на префрлање на училиштата, ќе бидат преземени сите неопходни мерки училиштата да можат да започнат со своите активности во новата академска година“, рече таа.

Делегацијата на Маариф се состана со министерот за надворешни работи на Буркина Фасо, Карамоко Жан Мари Траоре, и министерот за национално образование, Жак Состен Дингара.

Министерот за надворешни работи Траоре рече дека зајакнувањето на односите меѓу Туркије и Буркина Фасо ќе придонесе за надминување на хуманитарната криза во неговата земја. Министерот за образование Дингара изјави и дека е задоволен од активностите на Фондацијата Маариф во Буркина Фасо.

Членот на Управниот одбор на Фондацијата, Махмут Оздил, истакна дека е значајно што трансферот на училиштата поврзани со ФЕТО се совпаѓа со годишнината од обидот за пуч на 15 јули.

„Од денес, Фондацијата опслужува повеќе од 53.000 ученици со повеќе од 500 образовни институции во 54 земји и заедно со Буркина Фасо во 23 земји ја презеде контролата врз училиштата кои работеа под покровителство на ФЕТО.

Терористичката организација Фетулаџи / Паралелна државна структура (ФЕТО/ПДЈ) почна да ги инфилтрира своите поданици во безбедносните институции на Туркије во 1970-тите, а во 1980-тите значително ги зајакна своите паралелни пирамиди во овие институции и, конечно, на 15 јули 2016 година изврши неуспешен обид за воен удар со цел уривање на уставниот поредок и соборување на демократски избраната влада во Туркије.

Во повеќе од 100 земји во светот функционираа стотици училишта и образовни институции поврзани со терористичката организација ФЕТО.

Турските надлежни институции водат опсежни истраги за судските постапки против таа терористичка организација, а Фондацијата Маариф е задолжена да ја преземе контролата врз институциите кои работат под покровителство на ФЕТО низ светот.