Зошто некои луѓе не сакаат да слушаат музика

АНКАРА (АА) - Научниците сметаат дека причината поради која одредени лица не сакаат да слушаат музика би можела да биде намалената активност во некои делови од мозокот, јавува Anadolu Agency (AA).

Истражувањето е објавено во списанието „ПНАС“, а новите истражувања покажаа дека луѓето што не сакаат да слушаат музика имаат помал проток на крвта во системот за наградување во мозокот.

Користејќи функционална магнетна резонанца (fMRI), научниците ја следеа активноста на мозокот на учесниците во истражувањето и утврдија дека функционалната поврзаност помеѓу центрите за наградување и процесот на слушање кај луѓето што не сакаат да слушаат музика е помала.

Во истражувањето учествуваа три групи на луѓе, секоја од 15 испитаници.

Исто така, во мозокот кај лицата што не сакаат да слушаат музика не постои силна функционалност помеѓу десниот кортекс за слушање и вентралниот стритатум.

Откритијата укажуваат на тоа дека нема никакви проблеми во системот за наградување на мозокот.