Елон Маск го претстави новиот прототип на вселенското летало „Starship“

АНКАРА (АА) - Основачот на „Спејс Екс“ (Space X), Елон Маск, го претстави прототипот на неговото вселенско летало, ракетата „Starship“, за која истакна дека ќе превезува луѓе на Месечината, Марс и понатаму низ вселената, пренесува Anadolu Agency (AA).

„Овој круцијален чекор, неопходен за нас за станеме цивилизација која патува нив вселената, е со цел да го направи вселенското патување како вообичаено патување“, изјави тој пред ентузијастите и репортерите на полигонот на „Спејс Екс“ во американската држава Тексас.

Тој рече дека идејата за цивилизација која патува низ вселената, односно да се биде таму меѓу ѕвездите, е една од најдобрите работи.

Маск најави дека првиот лет на ракетата во орбитата може да се случи во наредните шест месеци, додека човечките мисии во вселената може да започнатод следната година.