Mehmet Kemal Firik
06 Јуни 2023•Ажурирај: 08 Јуни 2023
ЛЕФКОЗА (АА) - Туркије стана ѕвезда во подем во Европа според својата годишна трансплантација на матични клетки и го достигна нивото на развиените земји, изјави денес Февзи Алтунташ, претседател на Светската асоцијација за афереза, јавува Анадолу.
„Туркије е ѕвезда во подем во Европа на полето на трансплантација на матични клетки, со своите 5.000 трансплантации годишно. Денес достигнуваме 60-70 на милион трансплантации на матични клетки“, рече Алтунташ.
На маргините на Конгресот за ретки хематолошки болести во Турската Република Северен Кипар, Алтунташ за Анадолу изјави дека пред повеќе од една деценија Туркије беше во категоријата земји во развој кога станува збор за трансплантацијата на матични клетки.
Земјата го достигна нивото на западните земји со своите истражувачки, образовни и инвестициски напори на универзитетите, академската фела и приватниот сектор, додаде тој, и нагласи:
„Тоа е индикатор за важноста и инвестициите што Туркије ги вложува во здравството.“
Освен трансплантацијата на матични клетки, Туркије се издигна и како водечка дестинација за третман на канцерот во светот, нагласи Алтунташ.
Посочи дека треба да се поттикне уште повеќе учеството во клиничките испитувања, кои се важни и за трансплантацијата на матични клетки и за третманите за канцер.
„Туркије ќе има подобро место во здравствениот сектор со инстантно следење на иновациите“, додаде Алтунташ.
