Бројот на турски компании меѓу 100-те најдобри во светот во одбранбената индустрија се зголеми на пет

ИСТАНБУЛ (АА) – Бројот на турски компании од одбранбената индустрија во рангот на најдобрите 100 во светски рамки, според магазинот Дифенс њуз, се искачи на пет, со најновото годинашно додавање на листата на производителот на оружје - Корпорацијата за машинска и хемиска индустрија (МКЕ), јавува Анадолу.

Аселсан е највисоко рангирана турска одбранбена компанија, која од 47. место минатата година скокна на 42. место оваа година, покажува листата.

Турската воздухопловна компанија Турски аеровселенски индустрии (ТАИ) се искачи од 58. место на 50. во истиот период, а по неа следува производителот на оружје Рокетсан, кој годинава направи најголем скок, од 80. на 71. место.

Најновото дополнување на листата, МКЕ, се рангираше на 84. место, според веб-страницата и истоимениот магазин Дифенс њуз (Defence News).

Дополнително, Воената фабрика и бродоградилиште АСФАТ од 100. место минатата година се искачи на 94. место.

Што се однесува до остатокот од листата, првото место го зазеде американската компанија Локхид Мартин, по која следува Корпорацијата за воздухопловна индустрија на Кина и одбранбените компании со седиште во Вирџинија Ер-те-икс (RTX), Нортроп Груман и Џенерал Дајнамикс.