Американските научници отстранија генска мутација од човечки ембрион

САН ФРАНЦИСКО (АА) - Американските научници вчера објавија дека за првпат употребиле технологија за уредување на гени со цел отстранување на штетните генски мутации во човечките ембриони, јавува Anadolu Agency (AA).

Тимот отстрани генетска мутација која предизвикува срцева слабост со користење на контроверзна процедура, но на ниту еден од ембрионите не им беше допуштено да се развие во бебе - процес кој е нелегален во САД и многу други земји.

Кина е единствената друга земја каде е спроведено успешно уредување на гените во човечките ембриони, сепак, тоа не ги отстрани смртоносните мани.

Иако истражувачите од САД ја отстранија мутацијата на срцева слабост, процесот теоретски може да биде ефикасен за широк спектар на болести предизвикани од генетиката, вклучувајќи ги и цистичната фиброза и неколку видови на рак. Покрај тоа, уредувањето на генот ќе ги отстрани мутациите од сите идни генерации.

Студијата беше објавена вчера во списанието „Nature“ од научниците од Универзитетот за здравје и наука во Орегон (OHSU).

„Секоја наредна генерација ќе ја носи оваа промена затоа што го отстранивме типот на ген што предизвикува одредена болест од присутна во семејната лоза”, вели авторот Шухрат Миталипов во соопштението. „Со користење на оваа техника, можно е да се намали товарот од оваа наследна болест врз семејството и веројатно врз човечката популација”.

Научниците ја користеа „CRISPR“ алатката за уредување на гени, која му овозможува на истражувачот точно да ги одреди и да ги промени специфичните гени. Научниците ја имаа за цел мутацијата која предизвикува состојба наречена хипертрофична кардиомиопатија која може да доведе до срцева слабост и ненадејна смрт. Околу еден од 500 луѓе на глобално ниво страдаат од хипертрофична кардиомиопатија.

Можноста за уредување на гените покрена значителни етички прашања и научниците од Универзитетот во Охајо истакнаа дека испитувањата на ембриони кои треба да прераснат во бебиња се далеку.

„Етичките аспекти на префрлување на оваа технологија во клиничките испитувања се комплексни и заслужуваат значајно јавно ангажирање пред да можеме да одговориме на поширокото прашање за тоа дали е во интерес на човештвото да се сменат човечките гени за идните генерации”, изјави Даниел Дорса, коавтор во истражувањето.