Турција му порача на холандскиот амбасадор да не се враќа за одреден период

АНКАРА (АА) - Турција го замоли холандскиот амбасадор да не се враќа во земјата на одредено време, се вели во соопштението на Министерството за надворешни работи, јавува Anadolu Agency (AA).

Холандија ја откажа дозволата за слетување на авионот на турскиот министер за надворешни работи, Мевлут Чавушоглу, и го сопре возилото на турската министерка за семејство и социјална политика Фатма Бетул Каја.

Според соопштението, турското Министерство испрати барање до холандскиот отправник на работите: „Холандскиот амбасадор, кој е на отсуство во странство, да не се враќа на одредено време“.